பலகை – தமிழ் இணையவிசைபலகை
Posted by Senthilvelan | Posted in Flex, Tamil | Posted on 06-05-2010-05-2008
2
பலகை
தற்போதைய காலகட்டத்தில் கணினி சார்ந்த துறைகளில் தமிழ் மொழி மிகுதியாக பயன்படுத்தப்படுகிறது. குறிப்பாக கடந்த சில வருடங்களில் இணையம் மற்றும் தொலைதொடர்பு ஊடகங்களிலும் தமிழ் மொழியின் பயன்பாடு அதிகரித்து வருகிறது.
ஆனாலும் தமிழில் தகவல் பரிமாற்றமும் தமிழ் மென்பொருள்கள் உருவாக்கமும் தேவையான அளவிற்கு வளர்ச்சிபெறவில்லை. ஆர்வமுள்ளவர்கள் அதிக அளவில் இருந்த போதிலும், தமிழ் மொழியில் உள்ளீடு செய்ய தேவையான,எளிய மென்பொருட்களும், வசதிகளும் இல்லாததால் இந்ததேக்க நிலை நிலவுகிறது.
பெரும்பாலான கணினி பயனாளர்கள் தமிழில் தட்டச்சு செய்ய விரும்புவதில்லை. தமிழில் தட்டச்சு செய்வது கடினமானது மற்றும் தேவையில்லாதது என்ற எண்ணம் பரவலாக இருக்கிறது. மாறாக சிலர் ஆங்கிலம் வழியாக தமிழில் தட்டச்சு செய்துவருகிறார்கள். தொடக்கத்தில் இந்த முறை எளிதாக தோன்றினாலும், சிறிது காலத்திற்குபின் இதிலுள்ள கடினங்கள் புலப்படும். சான்றாக, ஒரு தமிழ் வார்த்தைக்கு அதிக ஆங்கில எழுத்துக்கள் தேவைபடுவது, தமிழ் எழுத்துக்கு சரியான ஆங்கில எழுத்துக்களை தேர்ந்தெடுப்பது போன்றவை.
நமது எண்ணங்களை எழுத்தாக மாற்ற நேரடியாக தமிழில் தட்டச்சு செய்வதே சிறந்த முறையாகும். சிலநாட்கள் பயிற்சிக்குப்பின் இந்த முறையில் தட்டச்சு செய்வது எளிதானதாக உணரப்படும்.
தமிழ்99 விசைபலகை முறை மிக எளிதான தமிழ் தட்டச்சு முறையாகும். தொடர்ந்து இணையத்தில் தமிழ் வலைப்பூக்களும் கட்டுரைகளும் எழுதிவரும் பலர் இந்த தட்டச்சு முறை எளிதானதென்று தெரிவிக்கின்றனர்.
தமிழ்99 அனைத்து உயிர் எழுத்துக்கள் 1 விசை, க,ங,ச,ஞ வரிசை 1விசை, என 31 எழுத்துக்களை ஒரு விசையிலும், மீதமுள்ள 216 எழுத்துக்களையும் இருவிசையில் எழுதலாம். தமிழ் எழுத்துக்கள் 247 ல் எந்த தமிழ் எழுத்தை எழுதவும் இரண்டுக்கு மேற்பட்ட விசைகள் அவசியமில்லை. துணைவிசைகளும் அவற்றுக்கு அவசியமில்லை. கிரந்த எழுத்துக்களான ஸ,ஷ,ஜ,ஹ போன்றவற்றை மட்டுமே துணைவிசை உபயோகித்து எழுத வேண்டும்.
விஞ்ஞானப் பூர்வமான இந்த தமிழ்99 தட்டச்சு முறையால் குறைந்த விசையழுத்த முறைகளில் விரல்களுக்கு எளிமையான வரிசையமைப்பில் அதிக பக்கங்களை அதிக வேகத்தில் அதிக நேரம் கைகளுக்கு களைப்பின்றி தொடர்ச்சியாக தட்டச்சு செய்ய முடியும்…
இம்முறையை கற்றுக் கொள்வதும் எளிமையானது. விசைகளை நினைவில் வைப்பதும் மிகவும் எளிது.
விளக்கமான ஒப்பீடு மற்றும் பயிற்சி முறைகளை கணிச்சுவடி மின்னூலில் காணலாம்.
தமிழ்99 விசைபலகை முறையில் தட்டச்சுப்பழக பலகை என்ற இணையவிசைபலகை உருவாக்கப்பட்டுள்ளது. இதன் உதவியுடன் எளிதாக,விரைவாக தமிழ் தட்டச்சு பழக முடியும்.
தமிழை தமிழில் எழுதுவோம்.
கணினித்தமிழ் வளர்ப்போம்.
ரொம்ப நல்ல முயற்சி டா. நண்பர்கள் எல்லாருக்கும் பரிந்துரைக்கிறேன்.
நன்றி இராவணன்